Kamakailan lamang, mayroong nag-post sa isang grupo ko sa Facebook, nagtatanong kung dapat ba niyang ituro ang Filipino sa kanyang mga maliliit pang anak.  Sa palagay ko, mas tinutukoy niya ang salita o lengwaheng Filipino kaysa sa asignatura (subject).  Ang daming sumagot at nagbigay ng kanilang sariling palagay!   Ang haba tuloy ng usapan :)  E, ano naman ang sinagot ko?  Ang sabi ko…oo, ituturo ko pa rin at itinuturo ko na ang Filipino PERO ang gusto ko lang mangyari ay matuto sina Kayla at Arielle na:

  1.  makapagsalita sa sariling wika (to speak)
  2.  makapagsulat din naman (to write)
  3.  makipag-ugnayan sa ibang tao (to relate, converse, communicate)
  4.  at makaintindi ng Filipino (para hindi naman sila maloloko o magmukhang dayuhan; to understand)

 

Sinabi ko rin ang katotohanan na ang dami kong nilalaktwan ng mga leksyon sa libro kasi di na talaga pratikal paggugulan pa ng oras.  Itinuturo ko lamang ang mga bahagi ng pananalita (parts of speech) o balarila (grammar) na karaniwang ginagamit araw-araw.  Di ko na inaambisyon na sila ay maging makata.  Mas gugustuhin ko pa na maging komportable sila sa wikang Filipino at marunong silang magbigay-halaga at respeto sa kanilang sariling wika.  

Si Kayla ay kasalukuyang nasa ika-pitong baitang (7th Grade) at pinag-aaralan ang klasikong Ibong Adarna.  Si Arielle naman ay nasa ika-siyam na baitang (9th Grade) o ikatlong taon sa mataas na paaralan (3rd year high school).  Pinag-aaralan naman niya ang Noli Me Tangere.  Di ko na pahihirapan ang mga sarili namin.  Mas gusto kong pag-aralan nila nang mas maigi ang Math, Science, at English kaysa sa Filipino kasi ito ang mas praktikal at mas kailangan.  Eto ang mga librong ginagamit namin sa Adarna at Noli:

Ibong Adarna with English version

Ibong Adarna with English version

Pahina mula sa Ibong Adarna

Pahina mula sa Ibong Adarna

Noli Me Tangere with English version

Noli Me Tangere with English version

Pahina mula sa Noli Me Tangere

Pahina mula sa Noli Me Tangere

Para kay Kayla, pinapabasa ko muna sa kanya nang malakas ang salin (translation) sa Tagalog ng Ibong Adarna para masanay siyang magbasa sa Filipino sunod ang English translation. Pagkatapos nito, mas binibigyang-pansin at oras namin ang aralin gamit ang Manwal ng mga Guro kung saan may mga tanong at gabay sa pagtalakay.  Dito ko rin iniuugnay ang mga pangyayari at tauhan ng Ibong Adarna sa totoong buhay.

Manwal ng mga Guro ng Ibong Adarna

Manwal ng mga Guro ng Ibong Adarna

Pahina mula sa Manwal ng mga Guro

Pahina mula sa Manwal ng mga Guro

Dahil mas madaming pinag-aaralan at mas mahirap ang mga aralin ni Arielle ngayon, dumederecho na lang kami sa English translation ng Noli Me Tangere na pawang mas mabigat at mahaba kaysa sa Ibong Adarna.  Paminsan-minsan, pinapabasa ko rin sa kanya nang malakas ang Tagalog translation para naman masanay din magbasa ng mga salitang Tagalog.  At katulad ni Kayla, gamit ang Mga Tulong sa Pag-aaral sa Noli Me Tangere, dito ko kinukuha ang gabay sa pagdidiskusyon o pag-uusap namin tungkol sa nobela. 

Mga Tulong sa Pag-aaral sa Noli Me Tangere

Mga Tulong sa Pag-aaral sa
Noli Me Tangere

Pahina mula sa Mga Tulong sa Pag-aaral sa Noli Me Tangere

Pahina mula sa Mga Tulong sa Pag-aaral sa Noli Me Tangere

Pahina mula sa Mga Tulong sa Pag-aaral sa Noli Me Tangere

Pahina mula sa Mga Tulong sa Pag-aaral sa Noli Me Tangere

Pahina mula sa Mga Tulong sa Pag-aaral sa Noli Me Tangere

Pahina mula sa Mga Tulong sa Pag-aaral sa Noli Me Tangere

Kung meron ngang magandang kalidad na sine na pwedeng naming bilhin at panoorin sa bahay tungkol sa Florante at Laura, Ibong Adarna, Noli Me Tangere, at El Flibusterismo, ay mas pipiliin ko pang gamitin ang mga ito!  Sigurado akong mas maiintindihan naming lahat ang kwento, mas mapapahalagahan namin ang mga akdang Pilipino at mas masaya pa kaming lahat na nag-aaral ng Filipino :)  

Kayo?  Itinuturo niyo ba ang wikang Filipino sa inyong mga anak?  Madali ba para sa inyo?  Paano ninyo ito itinuturo? 

Share and Enjoy!

10 Comments

  1. lui
    Posted July 3, 2013 at 1:06 AM | Permalink

    Sa aming sitwasyon, hindi ko isinali ang Filipino sa mga aralin.
    Katulad mo, nais ko lamang na matuto si Kyla na makapagsalita at makipag-ugnayan sa kapwa Pilipino. :)

    • racquel
      Posted July 3, 2013 at 9:18 AM | Permalink

      Salamat, Lui! :) Matututo rin ang mga bata kapag kasali sila sa mga usapan at nasanay sila makipag-usap at makarinig ng usapan o kwentong nasa Filipino :)

  2. Posted July 3, 2013 at 4:14 PM | Permalink

    What I did, I got a picture of Lebron James and we make sentences in Filipino based on his lesson for that day.:) i do not give too much emphasis on it. Basta alam nyang gamitin ng tama ang Filipino grammar, masaya na ako. :)

    • racquel
      Posted July 3, 2013 at 4:59 PM | Permalink

      Hi! Yes, I would have done the same! :) Thanks for sharing! :)

      • Chrissie Garcia
        Posted July 4, 2013 at 12:30 AM | Permalink

        Where did you buy those books with English translations? Thanks!

        • racquel
          Posted July 4, 2013 at 6:49 AM | Permalink

          Hi again, Chrissie! I replied to you in the FB thread on this but nonetheless, I’ll reply here again :) I bought the Filipino books with English translation fr the distributor of Salesiana Publishing, Miranda Inc., which is located in Sampaloc. Tel #s are 02-735-1365 or 736-0580. Look for Badette. I just ordered the books through phone.

  3. Posted July 5, 2013 at 7:23 AM | Permalink

    Hi, What did you teach for 6th and 8th grade? :)
    Louisa recently posted…The 34th Manila International Book FairMy Profile

    • racquel
      Posted July 7, 2013 at 6:05 PM | Permalink

      Hi, Louisa. What do you mean? For what subjects? Filipino? Filipino was just with the regular textbook for 6th Grade and for 8th Grade, it was textbook plus Florante at Laura.

  4. Posted July 29, 2013 at 12:29 PM | Permalink

    Mas mahirap ata sa aming magturo ng Filipino kasi taga-Visayas kami. :) Pero salamat sa isinulat mong ito, natawa ako! :D
    Yen recently posted…Urban Nature StudyMy Profile

    • racquel
      Posted July 31, 2013 at 1:04 PM | Permalink

      Salamat, Yen! :) Saan kayo sa Vissayas?

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

CommentLuv badge